Արցախի բնակարանաշինությունը՝ թվերով

ԼՂՀ քաղաքաշինության նախարարության տարեկան հաշվետվության համաձայն` այլ սոցիալական խմբերին պատկանող ընտանիքների բնակելի տների վերանորոգմանն ու կառուցմանն ուղղվել է 395.275 մլն դրամ, որի շրջանակներում հիմքից կառուցվել է 13, վերանորոգվել՝  7 բնակելի տուն, իսկ վերանորոգման կամ գնման դիմաց փոխհատուցում է տրվել 21 ընտանիքի:

Վերաբնակիչների եւ փախստականների համար հիմքից կառուցվել է 46 բնակելի առանձնատուն, վերանորոգվել՝ 39-ը, իսկ վերանորոգման ու գնման դիմաց 19 ընտանիքի տրվել  է փոխհատուցում՝ ընդհանուր 885. 705 մլն դրամ գումարով:   

384.499 մլն դրամի աշխատանքներ են կատարվել հանրապետությունում ծնելիության եւ բազմազավակության խթանման միջոցառումների ծրագրով.  վերակառուցվել է 3 բնակելի տուն, գնման եւ վերանորոգման դիմաց փոխհատուցում է տրամադրվել 4 ընտանիքի, իսկ 14 ընտանիքի համար բնակելի տների շինարարությունը շարունակվում է:

Ստեփանակերտ քաղաքի նախկին կահույքի ֆաբրիկայի տարածքում շարունակվում է ԼՂՀ ՊԲ սպայակազմի համար 45 բնակարանոց բնակելի շենքի շինարարությունը:

Անցյալ տարվա ընթացքում ԼՂՀ շրջաններում բնական աղետներից վնասված բնակելի տների վերանորոգման դիմաց շինանյութեր են տրամադրվել  570 ընտանիքի՝ 283.706 մլն դրամ գումարի շրջանակներում: Տարվա ընթացքում աշխատանքներ են տարվել նաեւ հանրապետության շրջկենտրոններում բազմաբնակարան բնակելի շենքերի պահպանման ուղղությամբ. պետբյուջեից հատկացվել է 96.876 մլն դրամ. կատարվել են շուրջ 10 շենքերի տանիքների հիմնանորոգման աշխատանքներ: