ՀԱՅԿԱԿԱՆ ԺԱՄԱՆԱԿ: Լարվել են

Անցած հանգստյան օրերին, ոստիկանության ղեկավարության ու լրագրողների մասնակցությամբ, Ծաղկաձորում կազմակերպված քննարկման ժամանակ Ալիկ Սարգսյանը խոսել է իր ենթականերից մեկի մասին, որը «ասուլիսներում իր իրավասություններին չվերաբերող հայտարարություններ է անում»:

Չնայած նա հրաժարվել է այդ ենթակայի անունն ասել, բայց հարցուփորձերից հետո ակնհայտ է դարձել, որ քննադատությունն ուղղված է Երեւանի ոստիկանապետին:

Սարգսյանն ասել է, որ իրականությանը չի համապատասխանում մեկ շաբաթ առաջ ասուլիսում Ներսես Նազարյանի հնչեցրած պնդումը, թե Ազատության հրապարակի հետ կապված գործողություններում ոստիկանությունը գործել է իր՝ Երեւանի ոստիկանապետի որոշումների հիման վրա: Նազարյանն այդ կերպ ընդգծել էր ոստիկանության համակարգում իր ունեցած դիրքը, ինչն էլ փորձել է հերքել Սարգսյանը՝ պնդելով, որ նման կարեւոր հարցերում որոշումները կայացնում է ինքը: