Սիրիան նոր վարչապետ ունի

Սիրիայում իշխող Արաբական սոցիալիստական վերածննդի կուսակցությունը` «Բաաս»-ը, կգլխավորի բարեփոխումների գործընթացը, որոնք իրականացվելու են մոտակա 2 ամիսների ընթացքում:

Ինչպես տեղեկացնում է ՍԱՆԱ գործակալությունը, երկրի նոր վարչապետ է նշանակվել կուսակցության ներկայացուցիչ Ադել Սաֆարը, որը նախկին կառավարությունում ղեկավարում էր գյուղատնտեսության նախարարությունը:

Դամասկոսի համալսարանի ագրարային ֆակուլտետի նախկին դեկանը մեծ հեղինակություն է ձեռք բերել հասարակայնության շրջանում վերջին տարիներին երկրի հարավային եւ արեւելյան շրաջաններում երաշտի հետեւանքերը վերացնելու ուղղությամբ տարված հաջող աշխատանքների համար: Նա իր դոկտորական թեզը պաշտպանել է Փարիզի Պոլիտեխնիկական ակադեմիայում:

Սիրիան հիմնականում ագրարային երկիր է, եւ այն, որ վարչապետի պաշտոնում նշանակվել է Սաֆարը, վկայում է, որ առաջնահերթ ուշադրությունը դարձվելու է գյուղատնտեսության զարգացմանը:

Մինչդեռ ընդդիմադիրները հայտարարել են, որ երեքշաբթի օրվանից նոր ցույցեր են կազմակերպելու. չորեքշաբթի ծրագրված է «Չենթարկվելու օր», իսկ ուրբաթ` «Համընդհանուր դժգոհության օր»: Անանուն ակտիվիստները սոցիալական ցանցերում կոչ են անում պայքարի դուրս գալ: