ՀԱՅՈՑ ԱՇԽԱՐՀ. Նորից արգելեցին

Երեւանի քաղաքապետարանը հերթական անգամ արգելել է ՀՀՇ-ին միտինգ անցկացնել Ազատության հրապարակում:

Ինչպես տեղեկացնում են քաղաքապետարանի լրատվական ծառայությունից, ՀՀՇ վարչության գործադիր քարտուղար Վ.Հայոցյանը մարտի 28-ին Երեւանի քաղաքապետարան է ներկայացրել իրազեկումներ` 2011թ. ապրիլի 14-ին, 15-ին եւ 16-ին` ժամը 16։00-22։00-ն (մոտավոր), Ազատության հրապարակում միտինգներ անցկացնելու մասին:

Երեւանի քաղաքապետի լիազոր ներկայացուցչի որոշմամբ` արգելվել է հանրահավաքների անցկացումը նշված վայրում, քանի որ ՀՀՇ-ի նախատեսած հանրահավաքների եւ դրանց հաջորդող օրերին եւս Ազատության հրապարակում անցկացվելու են այլ միջոցառումներ։