Ազատության հրապարակից փորձեցին իրազեկման երթ անցկացնել. ոստիկաններն արգելեցին

Քիչ առաջ քաղաքագետ Անդրիաս Ղուկասյանը Ազատության հրապարակում քաղաքացիներին կոչ արեց միանալ իրեն և պայքարը շարունակելու մասին իրազեկման երթ անցկացնել քաղաքում: Քաղաքացիների մեծ մասը միացավ նրան: Սակայն, ոստիկանությունը թույլ չտվեց Ազատության հրապարակից դուրս գալ՝ փակելով ճանապարհը:

«Մենք որոշել ենք խաղաղ երթ անցկացնել Մաշտոցի պողոտա- Ամիրյան- Նալբանդյան- Թումանյան փողոցներով և քաղաքացիներին իրազեկել, որ մեր պայքարը շարունակվում է:  Այժմ դրա կարիքն է առաջացել, իսկ մեր երթը ինքնաբուխ է»,- ասաց Անդրիաս Ղուկասյանը:

Երևանի փոխոստիկանապետ Վալերի Օսիպյանը նշեց, որ երթի մասին չկա համապատասխան իրազեկում: Երկար բանակցություններն արդյունք չտվեցին:

Ի դեպ, Ազատության հրապարակում էր նաեւ Արշակ Սադոյանը: