ԺՈՂՈՎՈՒՐԴ. Ո՞ւր էր գնալու 14 միլիոնը

Այս կիրակի վերջապես կբեմադրվի «Սայաթ-Նովա» օպերան, որի համար դեռեւս 2006 թվականից ՀՀ պետբյուջեն մոտ 14 միլիոն դրամ էր հատկացրել:

ՀՀ մշակույթի նախարար Հասմիկ Պողոսյանը 2006-ից մինչ օրս, փաստորեն, շրջանառության մեջ էր դրել միլիոնները եւ միայն հիմա է կարողացել իրեն վերապահված պարտավորությունն իրականացնել:

Հիշեցնենք, որ ՀՀ Վերահսկիչ պալատը բացահայտեց մոտ 14 միլիոն դրամ «յուրացնելու» փաստը` գումարը պետբյուջե վերադարձնելու հորդոր անելով: Սակայն մշակույթի նախարարը խնդրեց-աղաչեց ինչպես ՀՀ վարչապետին, այնպես էլ Սերժ Սարգսյանին, որպեսզի հնարավորություն տան թեկուզ ուշացումով, այնուամենայնիվ, բեմադրել օպերան:

Ահա վաղը, այսինքն` 5 տարի հետո, ՀՀ կառավարության պահուստային ֆոնդից հատկացված գումարներով վերջապես կբեմադրվի «Սայաթ-Նովան»: Իսկ պատկերացնո՞ւմ եք, եթե ՎՊ-ն չստուգեր ու չբացահայտեր, ուր էր գնալու 14 միլիոնը: