Ջարդուխուրդ է եղել (ֆոտոռեպորտաժ, տեսանյութ)

Այս գիշեր` ժամը 00.10-ի սահմաններում, Երեւանի Արշակունյաց եւ Բագրատունյաց փողոցների խաչմերուկում տեղի է ունեցել վթար:

Ինչպես տեղեկացնում է ֆոտոլրագրող Գագիկ Շամշյանը, ագրարային համալսարանի 5-րդ կուրսի ուսանող` 1988 թ. ծնված Վարդան Ավագյանը ՎԱԶ 21010 մակնիշի 23 OO 423 համարանիշի ավտոմեքենայով դուրս է եկել երթեւեկելի մասից, շրջվել եւ սահելով մխրճվել Արշակունյաց 312/1 հասցեում գտնվող «Էրզրում 97» ավտոտեխսպասարկման կետ: Նա եւ ուղեւորը` 1983 թ. ծնված Համլետ Մարտիրոսյանը, մարմնական վնասվածքներով տեղափոխվել են «Էրեբունի» բժշկական կենտրոն:

Դեպքի վայրում աշխատանքները ղեկավարել է ոստիկանության ՔԳՎ ՃՏՀ ավագ քննիչ Արտաշես Վանյանը, ում հանձնարարականով մեքենան տեղափոխվել է տուգանային հրապարակ:

Տեսանյութը դիտել այստեղ:

Լուսանկարները եւ տեսանյութը` Գագիկ Շամշյանի