Հայ-վրացական բրենդային պատերազմ

2008 թվականին Հայաստանն իր նախնական համաձայնությունն է տվել «Աշխարհագրական նշումների մասին» հայ-վրացական պայմանագրի կնքմանը: Այդ փաստաթղթով վրացիները մոտ 100 անուն աշխարհագրական նշում են պարտադրում Հայաստանին: Դրանցից են Շիրակը, Ալավերդին, Կախեթը. այսօր լրագրողների հետ հանդիպման ժամանակ հայտարարեց Հայաստանի գինեգործների միության նախագահ Ավագ Հարությունյանը:

«Եթե ընդունեցինք` այդ նշումներով հայկական ապրանքները Վրաստանի տարածքով տրանզիտի իրավունք անգամ չեն ունենա»,- ասաց Ա. Հարությունյանը: Նա համոզված է, որ այդ փաստաթուղթը լուրջ վտանգ է ներկայացնում, քանի որ ընդունվել է որպես բանակցությունների հիմք:

Պարոն Հարությունյանը 2011-ը գինեգործության ոլորտում մասամբ վերականգնողական շրջան է համարում: