Տիգրան Կարապետյանը կհամագործակցի՞ ՀԱԿ-ի հետ

Ժողովրդական կուսակցության ղեկավար Տիգրան Կարապետյանն այսօր լրագրողների հետ հանդիպման ընթացքում հայտարարեց, որ  իրենք նպատակ չունեն յուրացնել Հայ ազգային կոնգրեսի ձայները. «Մենք էնքան ձայներ ունենք, որ կարանք մի քիչ էլ ՀԱԿ-ին տանք»:

Տիգրան Կարապետյանն ասաց, որ ՀԱԿ-ում կա բարոյական, պայքարի միտված մի մեծ հատված, որին ինքը շատ լավ է վերաբերվում, սակայն նույնը չի կարող ասել ՀԱԿ անդամ ՀՀՇ-ի մասին: «Իմ համախոհները չէին ուզենա, որ նրանցից որոշ դեմքեր իմ կողքին կանգնեին»,- ասաց ԺԿ նախագահը եւ ավելացրեց, որ դա կհիասթափեցներ իր համախոհներին:

Տիգրան Կարապետյանը բացառեց նաեւ իշխանության հետ հնարավոր համագործակցությունը:

Անդրադառնալով ՀԱԿ համակարգող Լեւոն Զուրաբյանի` իրական ընդդիմությունը կեղծից տարբերակելու չափանիշներին` Կարապետիչն ասաց, որ Զուրաբյանը կա՜մ զգացմունքներին է տրվում, կա՜մ էլ ընկճախտի մեջ է: