Գիֆորդսը ոտքի է կանգնել

Ներկայացուցիչների պալատի անդամ Գաբրիել Գիֆորդսը, որի գլխին կրակել էին Տուսոնում ընտրողների հետ հանդիպման ժամանակ, ոտքի է կանգնել, տեղեկացնում է The New York Times թերթը:

Բուժանձնակազմի օգնությամբ կինը վեր է կացել, մոտեցել լուսամուտին ու մի քանի րոպե դուրս նայել: Բայց դեռ բժիշկները չեն կարող ասել, թե ինչ վիճակում է նրա տեսողությունը. նախկինում վտանգ կար, որ Գիֆորդսը կարող է լրիվ կուրանալ:

Բժիշկների գնահատմամբ, Գիֆորդսի ապաքինման դինամիկան նորմալ է ընթանում, սակայն դեռ վաղ է ասել, թե վտանգն անցել է:

Հունվարի 19-ին Արիզոնայում տեղի է ունեցել Գիֆորդսի վրա կրակած Ջերեդ Լի Լոֆների դատավարության առաջին նիստը: Նրան մեղադրանք է ներկայացվել երեք կետով, այդ թվում` կոնգրեսականին սպանելու փորձի մասով: Երիտասարդին սպառնում է ցմահ բանտարկություն կամ մահապատիժ: