ՏԵՍԱՆՅՈՒԹ․ Արտաշա՛տ, ոտքի, Մխչյա՛ն, ոտքի․ Տիգրանաշենից եկող «Դիմադրություն» քայլերթը հասավ Մխչյան

Արտաշատի Մխչյան համայնքին ենք մոտենում, այսօր եղանակը լավ է՝ անձրև չկա՝ ըստ Yerkir.am-ի ասաց ԱԺ «Հայաստան» խմբակցության պատգամավոր Աննա Գրիգորյանը, ով Ապարան-Երևան քայլերթի հետ շարժվում է դեպի մայրաքաղաք։

ՀՅԴ Արարատի Մարզային կոմիտեի ներկայացուցիչ Գերասիմ Վարդանյանը նկատեց, որ Մխչյանի մեր հայրենակիցները դրոշներով դուրս են եկել՝ դիմավորելու քայլերթի մասնակիցներին և միանալու երթին։

«Վաղվանից պայքարի վճռական փուլն է, հորդորում ենք գալ հանուն մեր երկրի, հանուն մեր ապագայի»,-ասաց Աննա Գրիգորյանը։

 Նշենք, որ ապակենտրոն, ցանցային «Դիմադրություն» շարժման պայքարի շրջանակում իրազեկման ակցիաներ են տեղի ունենում մայրաքաղաքի տարբեր հատվածներում։ Զուգահեռ խորհրդանշական 4 վայրերից՝ Իջևանից, Տիգրանաշենից, Սարդարապատից ու Ապարանից արժանապատիվ քաղաքացիները քայլերթերով շարժվում են դեպի Երևան, որպեսզի մայիսի 1-ին միավորվեն համազգային հանրահավաքում։

Մանրամասն՝ տեսանյութում․