Առևանգիչները 7 ամիս հետո ազատ են արձակել քաղաքական գործչին

Մեքսիկացի քաղաքական գործչին 7 ամիս պատանդ պահելուց հետո ազատ են արձակել:

Նախագահի նախկին թեկնածու Դիեգո Ֆերնանդեզ դը Կեվալոսը մայիս ամսին իր ամառանոց մեկնելիս անհետացել էր:

Նրան երկու թիկնապահներ ավտոմեքենայով բերել են իր Մեխիկոյի տուն, որտեղ նրան սպասել են լրագրողները: Նա հայտարարել է, որ ուժեղ է,և իր կյանքը նույն կերպ կշարունակվի: «Ինչ վերաբերում է առևանգիչներին, ես հավատքի մարդ եմ և ներում եմ նրանց»,- ասել է նա:

Նա ոչ մի մանրամասներ չի հաղորդել իր առևանգիչների մասին: Մեքսիկայի դատախազությունը հայտարարել է, որ կվերսկսի իր նախաքննությունը և կգտնի մեղավորներին:

Դեռ պարզ չէ, թե Ֆերնանդեզ դը Կեվալոսի ընտանիքը փրկագին մուծել է, թե ոչ, և եթե մուծել է, ապա որքան է այն եղել:

Սա միակ դեպքն է Մեքսիակայում, որ մարդուն այսքան երկար են պատանդ պահել և առևանգումը այսքան կազմակերպված է եղել: