Թուրքիան փոխհատուցում կվճարի հայամետ գործչին նրա կյանքի և խոսքի ազատության իրավունքը ոտնահարելու համար

Թուրքիայի Սահմանադրական դատարանը  պարտավորեցրել է պետությանը` թուրք հայամետ հայտնի պատմաբան Բասքըն Օրանին 27.000 թուրքական լիրա փոխհատուցում վճարել:

Ըստ DHA-ի՝ Օրանը, դեռևս տասը տարի առաջ կառավարության մարդու իրավունքների խորհրդակցական հանձնաժողովի անդամ հանդիսանալով, ազգային փոքրամասնությունների իրավունքների և մշակութային իրավունքների վերաբերյալ զեկույց էր պատրաստել, որն արժանացել էր ազգայնական շրջանակների բուռն քննադատությանը։

Բասքըն Օրանի փաստաբան Օյա Այդըն Գյոքթաշը այդ պատճառով դիմում է ներկայացրել Թուրքիայի Սահմանադրական դատարան, որում հիշեցրել է նաև այն հանգամանքը, որ Հրանտ Դինքին ուղղված սպառնալիքներն էլ ժամանակին պետության կողմից անտեսվել են, և արդյունքում `տեղի է ունեցել Դինքի սպանությունը:

Թուրքիայի ՍԴ-ն բավարարել է Բասքըն Օրանի գործով ներկայացված դիմումը։  Կյանքի և խոսքի ազատության իրավունքը ոտնահարելու համար Բասքըն Օրանին 27.000 թուրքական լիրա փոխհատուցում կվճարվի։