Ադրբեջանից լեհ քաղաքական գործչին առաջարկել են 50,000 ԱՄՆ դոլար՝ Ալիևի ռազմական հանցագործությունները քողարկելու համար

Լեհ քաղաքական գործիչ Թոմաշ Լեխ Բուչեկը հայտարարել է, որ Ադրբեջանն իրեն առաջարկել է 50,000 ԱՄՆ դոլար՝ Արցախում հայերի դեմ Ադրբեջանի ռազմական հանցագործությունների մասին գիրք չհրապարակելու համար։

Այս աղմկահարույց հայտարարությունը Բուչեկն արել է ֆեյսբուքյան իր էջում: Նա նաև տեղադրել է սքրինշոթ, որն ապացուցում է կաշառքի փորձը:

«Նախագահ Ալիևը, հավանաբար, լսել է իմ հրապարակման մասին: Ես առաջարկ ստացա չհրապարակել Ադրբեջանի՝ Արցախում հայերի դեմ իրականացրած ռազմական հանցագործությունները՝ 50 000 ԱՄՆ դոլարի դիմաց: Իմ պատասխանը Բաքվին՝ ԱԶԱՏԵԼ ՀԱՅ ԶԻՆԾԱՌԱՅՈՂՆԵՐԻՆ»,- հայտարարել է լեհ գործիչը։

Ավելի վաղ հայտնել էինք, որ Բուչեկն ավարտել է իր Ալիևին Հաագայում դատելու համար սկսած ստորագրահավաքը՝ հավաքելով 100 հազարից ավելի ստորագրություն։