Թեկնածու եւ դոկտոր դառնալու համար նոր պահանջներ են լինելու

Այս տարի դոկոտորի աստիճան ստացել է 43 եւ թեկնածուի` 485 մարդ: Ընդհանուր առմամաբ` 11 աշխատանք բեկանվել է, 27 աշխատանք վերադարձվել է կրկնակի փորձաքննության:

Այսօր լրագրողների հետ հանդիպման ժամանակ ԿԳ նախարար Արմեն Աշոտյանն ասաց, որ նախարարության կողմից կարեւորվում է գիտության ոլորտում մրցակցային ֆինանսավորման սկզբունքը: Շուտով երիտասարդ գիտնականների աշխատանքները ֆինանսավորելու մրցույթ է հայտարարվելու:

Նախարարն ասաց, որ բարեփոխումներ են կատարվելու բարձրագույն որակավորման հանձնաժողովի (ԲՈՀ) գործառույթներում: Նախատեսվում է, որ կրճատվելու է ներկայումս գործող 61 պաշտպանության հանձնաժողովների թիվը: Դրանք թվով քիչ են լինելու, սակայն բազմանդամ:

Խստացվելու են նաեւ պաշտպանության մեխանիզմները եւ  դոկտորական ու թեկնածուական ատենախոսությունների պաշտպանությունը անց են կացվելու որոկի չափագրման նոր մեխնիզմներով: