Բանակցությունները լինելու են միայն անուղղակի, եթե ​​ամերիկացիներն անիրագործելի և իռացիոնալ պահանջներ չդնեն, համաձայնության հասնելը հավանական է. Արաղչի

Իրանը միայն անուղղակի բանակցություններ է վարելու ԱՄՆ-ի հետ, և եթե ​​ամերիկացիներն անիրագործելի և իռացիոնալ պահանջներ չդնեն, համաձայնության հասնելը հավանական է։ Այս մասին Մոսկվայում ՌԴ ԱԳ նախարար Սերգեյ Լավրովի հետ մամուլի ասուլիսում ասել է Իրանի Սեյյեդ Աբբաս Արաղչին. հայտնում է Mehr գործակալությունը:

«Մենք միայն անուղղակի բանակցություններ ենք ունենալու: Գործադրված առավելագույն ճնշման պատճառով մենք չենք կարող ուղղակի բանակցությունների մեջ մտնել։ Անուղղակի բանակցությունները տարօրինակ չեն, և կարելի է պայմանավորվածություններ ձեռք բերել։ Առաջին փուլում մենք խոսեցինք միջուկային խնդիրների և պատժամիջոցների վերացման մասին», - ընդգծել է նա:

Օմանում կայացած բանակցությունների առաջին փուլում, ըստ Արաղչիի, իրանական կողմը տեսել է, որ ԱՄՆ-ն լուրջ է տրամադրված:

«Վաղը սպասում ենք ամերիկյան կողմի դիրքորոշումները լսելուն. Եթե ​​նրանք չունենան անտրամաբանական, անիրատեսական և անիրագործելի խնդրանքներ, հնարավոր է համաձայնության հասնել», - ընդգծել է նա:

Ապրիլի 12-ին Օմանի մայրաքաղաք Մասկատում տեղի է ունեցել ԱՄՆ-ի և Իրանի ներկայացուցիչների միջև բանակացությունների առաջին փուլը՝  Թեհրանի միջուկային ծրագրի շուրջ ստեղծված իրավիճակի հարցով։ Վաղը կայանալու է 2-րդ փուլը: