Ծանրամարտի ֆեդերացիայի նախագահն էլ է կորցրել հիշողությունը

Ծանրամարտիկներ Տիգրան Վարդանի Մարտիրոսյանը և Գևորգ Դավթյանը 2011-ի Աշխարհի առաջնությանը եթե կարողանան համապատասխան արդյունք ցույց տալ, կմասնակցեն Օլիմպիական խաղերին: Որ դա այդպես կլինի՝ ֆեդերացիայի նախագահ Սամվել Խաչատրյանը չի կասկածում:


Լրատվամիջոցներից մեկի հարցին, թե Տիգրանը և Գևորգը Գերմանիայում բուժում ստացե՞լ են, թե՝ ոչ, Սամվել Խաչատրյանը տարակուսանքով պատասխանեց. «Ի~նչ Գերմանիա, էդ իրենք ե՞ն որոշել, որ Գերմանիա: Մենք իրենց ասել ենք, որ այստեղ հետազոտվեն»: Իսկ Օգսեն Միրզոյանը բացականչեց՝ «Բայց իրանց ի՞նչ էր եղել, որ...»:

Իսկ թե Անթալիայում մարզիկների հոգեվիճակը եղել է հոգեբանների ուշադրության կենտրոնում և հավաքականի հետ հոգեբաններ աշխատե՞լ են՝ հարցին ի պատասխան, Սամվել Խաչատրյանն ասաց. «Աշխարհի առաջնությանը մեր հավաքականը ապահովված եղել է հոգեբաններով, նրանց տրամադրել է Ֆիզիկական կուլտուրայի հայկական պետական ինստիտուտը»: Բայց չկարողացավ  նշել նրանց անունները: «Մի քանիսն էին, չեմ հիշում»՝ ասաց:

 

Հայաստանի Ծանրամարտի ֆեդերացիայի նախագահի նման հիշողությունը կորցրածները՝

Գյումրիի ավագանու անդամը կորցրել է հիշողությունը