Գործ ունենք 18 տարեկան պայծառագույն երեխեքի հետ. վաղը 72 ժամը լրանում է. սպասենք. Վարդուհի Էլբակյան

Սուրբ Աննա եկեղեցում տեղի ունեցած միջադեպով ձերբակալված դպրոցականների դասընկերների ծնողներն այսօր ակցիա են իրականացնում Ներքին գործերի նախարարության դիմաց՝ ի աջակցություն տղաների։ Լրագրողների հետ զրույցում Դավիթ և Միքայել Մինասյանների պաշտպան Վարդուհի Էլբակյանը հայտնել է, որ տղաներն ունեն կալանքի հետ անհամատեղելի առողջական խնդիրներ։

Հիշեցնենք, որ մարտի 29-ին Սուրբ Աննա եկեղեցում ընթացած պատարագից հետո իրավիճակը լարվել է։ Պատարագին մասնակցելուց հետո, երբ վարչապետ Նիկոլ Փաշինյանը ցանկացել է հեռանալ, քաղաքացիներից մեկը փորձել է հարվածել նրան։ Ավելի ուշ հայտնի է դարձել, որ միջադեպով ձերբակալվել են դպրոցականներ։