Իրանը մահապատժի է ենթարկել Իսրայելի օգտին լրտեսության համար դատապարտվածին

Իրանը մահապատժի է ենթարկել Բաբակ Շահբազիին, որը դատապարտվել էր Իսրայելի օգտին լրտեսության համար, հաղորդում է Mehr-ը:

Շահբազին մահապատժի է ենթարկվել սեպտեմբերի 17-ի առավոտյան։

Մինչ այդ տեղի է ունեցել դատաքննություն, որի ընթացքում, ինչպես հաղորդում է պարբերականը, հաստատվել է այն տեղեկությունը, որ նա հետախուզական տեղեկատվություն է փոխանակել «Մոսադի» հետ կապված գործակալների հետ:

Իրանական պարբերականը նշում է, որ իսրայելական «Մոսադ» հետախուզական գործակալությունը բազմիցս Իրանի տարածքում լրտեսական, դիվերսիոն և ահաբեկչական գործողություններ է կազմակերպել, այդ թվում՝ կիբեռհարձակումներ, ատոմային գիտնականների սպանություններ: