ՌՀՄ-ն միավորել է ՌԴ-ում գտնվող հայկական համայնքները և ամրապնդել իր հեղինակությունը․ Պուտին

Պուտինը շնորհավորել է Ռուսաստանի հայերի միությանը 25-ամյակի կապակցությամբ:

«Կազմակերպության հետևողական աշխատանքն ուղղված է ազգամիջյան հարաբերությունների ներդաշնակեցմանը և հայկական սփյուռքի ինտեգրմանը ռուսական հասարակությանը»,  – ասվում է Կրեմլի կայքում հրապարակված շնորհավորական ուղերձում։

Ռուսաստանի նախագահը նշել է այն աջակցությունը, որը ՌՀՄ-ն ցուցաբերում է հատուկ ռազմական գործողության մասնակիցներին և վետերաններին, նրանց ընտանիքներին և մտերիմներին։ ՌԴ նախագահը նշել է, որ վերջին տարիների ընթացքում ՌՀՄ-ն միավորել է երկրի ողջ տարածքում գտնվող հայկական համայնքները և ամրապնդել իր հեղինակությունը։