Oկուպացված Շուշիում Ալիևը ծաղրել է Փաշինյանին՝ հաստատելով, որ «Ղարաբաղը Հայաստան է, և վերջ» հայտարարությունն է 44-օրյա պատերազմի սանձազերծման առիթ հանդիսացել (տեսանյութ)

Oկուպացված Շուշիում կայացած «Թվային անցումներ. տեղեկատվության և լրատվամիջոցների դիմադրողականության ամրապնդում արհեստական բանականության դարաշրջանում» թեմայով երրորդ գլոբալ մեդիա ֆորումի ընթացքում Ադրբեջանի նախագահ Իլհամ Ալիևը ծաղրել է Նիկոլ Փաշինյանին։ 

Նա, մասնավորապես, ծիծաղելով նշել է․ «Նիկոլ Փաշինյանը, որ հիմա հայտարարում է, որ վաղուղ էր պետք Ղարաբաղն Ադրբեջանի մաս ճանաչել, 2019 թ-ի ամռանը Ստեփանակերտի մարզադաշտում կայացած մեծ հանրահավաքի ժամանակ հայտարարել էր, որ «Ղարաբաղը Հայաստան է, և վերջ», դրանով իսկ իր ձեռքով ստորագրելով իր համար ծանր կյանքի դատավճիռ»,-հայտարարել է նա՝ հերթական անգամ հաստատելով, որ այս հայտարարություն է առիթ հանդիսացել 2020 թ-ի պատերազմի սանձազերծման։ 

Հատկանշական է, որ այս ծաղրին Փաշինյանը որևէ կերպ չի արձագանքել, փոխարենն այսօր առավոտյան կրկին ձեռնամուխ է եղել եկեղեցու նկատմամբ հարձակման՝ կողմնակիցներին կոչ անելով պատրաստ լինել Վեհարանի վրա «արշավին»։