Եկեղեցին հսկայական դերակատարություն ունի հայ ինքնությունը պահպանման հարցում, այս իշախնության թիրախը ոչ թե սպասավորներն են, այլ հայ ինքնությունը․ Արծվիկ Մինասյան

ԱԺ ամբիոնից ելույթ ունենալով՝ «Հայաստան» խմբակցության քարտուղար Արծվիկ Մինասյանը ՍԴ դատավորի թեկնածու Արտակ Զեյնալյանին ներկայացրել է դրական գնահատական, ընդգծելով նրա մասնագիտական փորձը, ազգային արժեհամակարգին նվիրվածությունը և Սահմանադրական դատարան բազմիցս դիմելու փաստը։

Միաժամանակ, Մինասյանը շեշտադրել է մի քանի սահմանադրական ինստիտուտների՝ մասնավորապես Հայաստանյաց Առաքելական Սուրբ Եկեղեցու և բարեգործության դերի ու պաշտպանության կարևորությունը՝ մատնանշելով գործող իշխանությունների կողմից այդ ինստիտուտների «հետևողական ոտնահարումը»։

Նա քննադատել է եկեղեցու նկատմամբ իշխանական դաշտից հնչող միջամտություններն ու անարգանքները, հիշեցնելով՝ «եկեղեցին սոսկ կրոնական կառույց չէ, այլ ազգային ինքնության պաշտպան»։

Բացի այդ, Մինասյանը խիստ քննադատությամբ անդրադարձել է Սամվել Կարապետյանի գործին՝ այն որակելով որպես իշխանության կողմից «բարեգործության նկատմամբ իրականացվող քաղաքական հետապնդում»։

Մինասյանը կոչ է արել Սահմանադրական դատարանի նոր կազմին «չհարմարվել օրվա քաղաքական քիմքին», այլ պաշտպանել Սահմանադրությամբ երաշխավորված ինստիտուտները։

Մանրամասն՝ տեսանյութում։