ՌԴ զորքը վերահսկողության տակ է առել ԴԺՀ-ի Ռազլիվ բնակավայրը. ՊՆ

 Ռուսական զորքերը վերահսկողության տակ են վերցրել ԴԺՀ-ի Ռազլիվ բնակավայրը։ Այս մասին հայտնում է ՌԴ ՊՆ-ն։

«Ակտիվ ու վճռական գործողությունների արդյունքում «Արևելք» զորախմբի ստորաբաժանումները ազատագրել են Դոնեցկի Ժողովրդական Հանրապետության Ռազլիվ բնակավայրը», - ասվում է գերատեսչության հաղորդագրության մեջ։

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։