Մոսկվայում կայացել է միջոցառում` նվիրված Սպիտակի երկրաշարժի 30-րդ տարելիցին. լուսանկարներ

ՌԴ-ում Հայաստանի Հանրապետության դեսպանատունն «Ավրորա» մարդասիրական նախաձեռնության ու «Ազնավուր» հիմնադրամի հետ  «Գթասրտության ժամանակագրություն» խորագրով միջոցառում է կազմակերպել՝ նվիրված Սպիտակի երկրաշարժի 30-րդ տարելիցին: Այդ մասին հայտնում է դեսպանատան ֆեյսբուքյան էջը:

Երեկոյին ներկա են եղել ՀՀ վարչապետի ժամանակավոր պաշտոնակատար Նիկոլ Փաշինյանի կինը՝ Աննա Հակոբյանը, ՀՀ ազգային հերոս Նիկոլայ Ռիժկովը, «Ավրորա»-ի համահիմնադիր, գործարար, բարերար Ռուբեն Վարդանյանը, «Ազնավուր» հիմնադրամի համահիմնադիր, աշխարհահռչակ հայ շանսոնյե Շառլ Ազնավուրի որդին՝ Նիկոլա Ազնավուրը և այլք:

Նիկոլա Ազնավուրն իր խոսքում պատմել է` ինչպես է Ազնավուրը 1988-ի երկրաշարժի ժամանակ մոբիլիզացրել միջազգային հանրությանը:

«Հայրս առաջիններից էր, որ արձագանքեց 1988-ի  ողբերգությանն ու անմիջապես գործի անցավ: Այդ նույն գիշերը նա Ժորժ Գարվարենցի հետ գրեց Pour toi Armenie երգը՝ մոբիլիզացնելով արտիստների Ֆրանսիայից, Ամերիկայից, Իտալիայից, իսկ հետո՝ ամբողջ միջազգային հանրությանը»,- նշել է նա:

Լուսանկարները` ստորև: