Արդեն շրջանառվում է ագրարայինի մասնաշենքի հանձնման որոշման նախագիծը

Հուլիս ամսից սկսած Yerkir.am-ը տեղեկացնում է, որ Ագրարային Համալսարանի 2-րդ մասնաշենքը կառավարությունը պատրաստվում է հանձնել Հայաստանում ֆրանսիական համալսարանին:

Համալսարանի աշխատակիցները նախաձեռնել էին մասնաշենքի հանձնման գործընթացի դեմ ստորագրահավաք և խնդրո առարկայի վերաբերյալ պարզաբանումներ ստանալու նպատակով դիմել էին ԿԳՄՍ նախարար Ժաննա Անդրեասյանին, Ֆրանսիայի դեսպանին, ռեկտորի պարտականությունները կատարող Հրաչյա Զաքոյանին և հոգաբարձուների խորհրդի նախագահ Արման Խոջոյանին: Վերջիններս կամ չեն պատասխանել աշխատակիցների նամակներին, կամ բանավոր հերքել են մասնաշենքի հանձնման մասին լուրերը:

Այսօր Yerkir.am-ի տրամադրության տակ է հայտնվել մասնաշենքի հանձնման վերաբերյալ կառավարության որոշման նախագիծը:

Հիշեցնենք, որ Yerkir.am-ի հետ զրույցում Ագրարային համալսարանի ֆիզիկայի դասախոս Գվիդոն Մատինյանը նշել է, որ վաղն առավոտյան՝ ժամը 9։30-ին, բուհի անձնակազմը, շուրջ 300 հոգի, հավաքվելու է Ագրարայինի բակում, որտեղից բողոքի երթով շարժվելու են դեպի Կառավարության շենք։