«Ուրարտու»-ն չի դադարեցրել մարզումային գործընթացը

«Ուրարտու» ֆուտբոլային ակումբը սեփական մարզաբազայում շարունակում է մարզումները` նախապատրաստվելով մրցաշրջանի վերսկսմանը։ Այս մասին Yerkir.am-ին տեղեկացնում են ակումբի մամուլի ծառայությունից:

Մայիսի 25-ին «Ուրարտուն» կանցկացնի Հայաստանի Բարձրագույն խմբի առաջնության 18-րդ տուրի հանդիպումը, մրցելով «Արարատի» հետ։ Այդ խաղը կկայանա ՀՖՖ տեխնիկական կենտրոն-ակադեմիայում և կմեկնարկի ժամը 18։30-ին։ Անվտանգության նկատառումներից ելնելով՝ հանդիպումը կանցկացվի առանց հանդիսականների։

Հայաստանի Բարձրագույն խմբի առաջնությունը կվերսկսվի մայիսի 23-ին, իսկ Առաջին խմբի առաջնությունը՝ մայիսի 30-ին: Ինչպես Բարձրագույն, այնպես էլ Առաջին խմբի խաղերի վերսկսումից հետո կայանալիք առաջին տուրի հանդիպումները կանցկացվեն առանց հանդիսականների: