Արմեն Աշոտյանին բոլոր հնարավոր ձևերով գաղտնալսել են, և մեզ հետարքրիր է ի՞նչ են հայտնաբերել․ Մելիքյան

Հակակոռուպցիոն դատարանում,  դատավոր Վահե Դոլմազյանի նախագահությամբ, ՀՀԿ փոխնախագահ Արմեն Աշոտյանի գործով այսօրվա նիստը չկայացավ, քանի որ վկան կրկին չէր ներկայացրել դատարան։

«Արդեն երկրորդ անգամ է վկան, ինչ-որ հանգմանքներ նշելով, չի ներկայանում։ Այս անգամ՝ արտասահմանում է  գտնվում։ Հրապարակվեց, որ վերադառնալու հետ կապված անձնագրային խնդիր կար։ Կանխավարկածն այն է, որ պետք է հավատանք»,- դատարանի   դիմաց լրագրողներին ասաց պաշտպան Ռուբեն Մելիքյանը։

Նիստի ընթացքում, որը դատավորի պահանջով արգելվեց տեսանկարահանվել, քանի որ «լրատվամիջոցների ներկայացուցիչները աղմկում էին սարքավորումները տեղադրելով», Ռ.Մելիքյանի խոսքով, կարևոր քննարկում է եղել. «Պարզվեց, որ դեռևս երկու ամիս առաջ բավարված Արմեն Աշոտյանի մասով գաղտնի քննչական գործողությունների հետ կապած հարցումը դեռ չի կատարվել։ Աշոտյանի հարցերին ի պատասխան՝ դատարանը հայտարարեց, որ հարցումը չի կատարվել։ Որևէ պատճառ  չնշվեց, որից հետևություն ենք անում, որ որևէ հարգելի կամ հիմնավոր պատճառ այստեղ չկա։ Դա բացարաձակապես անընդունելի է, քանի որ այդ փատաթուղթը մեզ համար կարևորագույն նշանակություն ունի։

Արմեն Աշոտյանին բոլոր հնարավոր ձևերով գաղտնալսել են, ավելին՝ հետ են գնացել հեռախոսազանգերը ստուգելու ճաապարհով մինչև 8 տարի առաջ։ Մեզ անհրաժեշտ է հասկանալ՝ ինչ են այդ ընթացքում հայտնաբերել։ Մեր պնդումն ու համուզմունքն այն է, որ առկա են ձայնագրություններ, տեսագրություններ, որոնք մեղադրանքում ձևակերպված պնդումների հակառակն են ապացուցում։ Դրանում վստահ ենք, մեզ դրանց չտրամադրելը ավելի է հաստատում մեր համոզմունքը»։

Հիշեցնենք, որ քրեական վարույթի շրջանակներում կալանքի տակ է ՀՀԿ փոխնախագահ Արմեն Աշոտյանը։ Արմեն Աշոտյանի նկատմամբ հնարավոր հետապնդում հարուցելու հարցը լայն տարածում ստացավ հատկապես նախորդ տարվա վերջերին, երբ ԵՊԲՀ նախկին ռեկտոր Միքայել Նարիմանյանի նկատմամբ քրեական հետապնդում հարուցվեց՝ դեռեւս 2015 թ. համալսարանից խոշոր չափերի ենթադրյալ հափշտակության առթիվ հարուցված քրեական գործի շրջանակներում։ Դեռևս այդ ժամանակ մամուլը գրել էր, որ Նարիմանյանին ձերբակալելու հիմնական նպատակն Արմեն Աշոտյանի դեմ ցուցմունք կորզելն էր։ 2022թ. նոյեմբերի 16-ի կեսգիշերին Արմեն Աշոտյանին «Զվարթնոց» օդանավակայանում թույլ չեն տվել մեկնել ՀՀ-ից՝ պատճառաբանելով, թե նա մեղադրյալ է։ Նույն օրը երեկոյան Արմեն Աշոտյանը հրավիրվել է ՀՀ ՔԿ, որտեղ նրան մեղադրանք է առաջադրվել պաշտոնեական լիազորությունները չարաշահելու և փողերի լվացման հատկանիշներով։ Նրա նկատմամբ որպես խափանման միջոց է կիրառվել բացակայելու արգելքը։

Մանրամասն՝ տեսանյութում։