Արմեն Մարտիրոսյանը՝ Արմեն Աշոտյանին

«Ժառանգություն» կուսակցության փոխնախագահ Արմեն Մարտիրոսյանն իր fեյսբուքյան էջում անդրադարձել է kրթության եւ գիտության հանրապետական նախարար Արմեն Աշոտյանի՝ այսօր ԱԺ-ում արած հետեւյալ հայտարարությանը. «Մենք լավ ենք սերտել Առաջին հանրապետության դասերը և ձեր դափնիներին չենք հավակնում»:

Ա. Մարտիրոսյանը գրել է. «Դաշնակցությանը չպաշտպանելով հանդերձ, նշեմ`

1. Առաջին Հանրապետությունը ստեղծվեց Մեծ Եղեռնից հետո, Առաջին աշխարհամարտի ընթացքում, երբ նույնիսկ Արարատյան գավառում հայերը բնակչության գրեթե կեսն էին:

2. Ըստ էության զրոյական վիճակից ստեղծեցին շատ կառույցներ, այդ թվում՝ Համալսարանը:

3. Ղեկավարությունը, այնուամենայնիվ տեսնելով, թե ինչ իրավիճակ է՝ իշխանությունը զիջեց Սովետներին՝ ժողովրդի կոտորած թույլ չտալու համար:

4. Վերջապես, իրենց ապրելակերպով և արժեքներով այն ժամանակի ղեկավարները համեմատվելու եզր չունեն Երրորդ հանրապետության բոլոր իշխանությունների հետ: Համեմատեք Ա.Մանուկյանին՝ Լ.Տեր-Պետրոսյանի, Ռ. Քոչարյանի, Ս.Սարգսյանի հետ:

5. Առաջին Հանրապետության տարիներին բնակչության թիվը չնայած սովին և հիվանդություններին աճել է, իսկ 91-ից հետո գրեթե 1,5մլն մարդ է արտագաղթել»:

Լուսանկարը՝ Aravot.am-ի