«Միջազգային լեգիտիմությո՞ւն»․ դուք ինքներդ արդեն լեգիտիմ չեք․ Արծվիկ Մինասյան

Իշխող մեծամասնության համար իրենց գործողությունների իրավական հիմքը Ալիևի պահանջներն են։ Այս մասին ԱԺ ամբիոնից նշեց «Հայաստան» խմբակցության քարտուղար Արծվիկ Մինասյանը՝ տեղի ունեցողը որակելով ազգային դավաճանություն։ Նրա դիտարկմամբ՝ իշխող ուժը գնում է պետականությունը քանդելու ճանապարհով։

Մինասյանը վստահեցրեց, որ Բագրատ Սրբազանի և նրա գլխավորած շարժման հասցեին կեղծ մեղադրանքներ հնչեցնելով, պիտակավորելով շարժումը չեն թուլացնելու։  

«Ինչի մասին, որ դուք խոսում եք որպես նպատակ, անում եք ուղիղ հակառակը» ,-ասաց ընդդիմադիր պատգամավորը։ Նրա խոսքով՝ իշխող ուժը որպես երաշխիք ներկայացնում է այսպես կոչված՝ միջազգային լեգիտիմությունը։ «Ինքներդ արդեն լեգիտիմ չեք։ Ձեր ամբողջ նախընտրական ծրագիրն եք տապալել։ Հիմա էլ բերել եք, արհեստական թեմա եք գցել՝ միջազգային լեգիտիմություն։ Դա որտե՞ղ է արձանագրված։ Միջազգային իրավունքի սկզբունքներում հստակ ասվում է, թե ինչով պետք է շարժվի երկիրը։ Դուք անգամ սրանք եք արհամարհել»։

Մանրամասն՝ տեսանյութում