Տեր Վահրամի ֆեյսբուքյան էջը կոտրել ու կաթողիկոսին ուղղված վիրավորական գրառում են կատարել

Մայր Աթոռի տեղեկատվական համակարգի տնօրեն տեր Վահրամ քահանա Մելիքյանի ֆեյսբուքյան էջը կոտրել ու նրա անունից Ամենայն Հայոց կաթողիկոսին ուղղված վիրավորական գրառում էին կատարել:

Տեր Վահրամ քահանա Մելիքյանը ֆեյսբուքյան իր էջում այս մասին գրառում է կատարել. «Հարգելիներ, քիչ առաջ, ամենայն հավանականությամբ տխրահռչակ նախաձեռնության ներկայացուցիչներից ոմն մեկի մոլի ջանքերով կոտրվել էր իմ ֆեյսբուքյան էջը և ստոր գրառում տեղադրվել:

Ակնհայտ է, որ հատվել են ողջամտության ու բարոյականության բոլոր սահմանները։ Այդ են վկայում նաև մի քանի կեղծ էջերը, որոնց նպատակն է վարկաբեկել Ամենայն Հայոց Կաթողիկոսին:

Անշուշտ, այդ գրառումը կապ չունի ոչ միայն իմ, այլև եկեղեցու որևէ սպասավորի` սարկավագից մինչև եպիսկոպոս, կամ որևէ հավատավոր հայորդու զգացումների հետ»։