Անգլիայում Էրդողանի հասցեին վիրավորական բանաստեղծությունների մրցույթ կանցկացվի

Անգլիայում լույս տեսնող The Spectator ամսագրի սյունակագիրներից Դուգլաս Մուրեյը Թուրքիայի նախագահ Ռեջեփ Թայիփ Էրդողանի հասցեին վիրավորական բանաստեղծությունների մրցույթ է անցկացնելու:

Ըստ Demokrathaber-ի՝ Մուրեյը նման որոշում է կայացրել այն բանից հետո, երբ Գերմանիայի կանցլեր Անգելա Մերկելը թույլ է տվել հետաքննություն սկսել հայտնի երգիծաբան Ջան Բողմերանի դեմ, ով Էրդողանի մասին «վիրավորական» տեսանյութ էր պատրաստել:

Ի նշան բողոքի՝  Մուրեյը վիրավորական ստեղծագործությունների մրցույթ է անցկացնելու, որի պահանջն է՝ «հնարավորինս շատ վիրավորանքներ հասցնել բռնապետ Էրդողանին»:

Բանաստեղծությունները [email protected] էլեկտրոնային հասցեին  ուղարկելու կոչ անող սյունակագիրը նշել է, որ մրցույթի արդյունքները կհայտարարվեն մինչև հունիսի 23-ը: