կարևոր
1729 դիտում, 2 շաբաթ առաջ - 2024-02-12 11:46
Քաղաքական

Իշխան Սաղաթելյանը Բեյրութում ներկայացրել է ներհայաստանյան իրադարձությունները

Իշխան Սաղաթելյանը Բեյրութում ներկայացրել է ներհայաստանյան իրադարձությունները

ՀՅԴ Հայաստանի Գերագույն մարմնի ներկայացուցիչ Իշխան Սաղաթելյանն աշխատանքային եռօրյա այցով ժամանել է Լիբանան, որտեղ հանդիպում է ունեցել ՀՅԴ Լիբանանի Կենտրոնական կոմիտեության ընկերային կազմի հետ։ Իշխան Սաղաթելյանը ներկայացրել է ներհայաստանյան իրադարձությունների, Դաշնակցության տարած աշխատանքների մասին՝ կենտրոնանալով Սահմանադրության փոփոխության բուն շարժառիթների վրա։

Գերագույն մարմնի ներկայացուցիչը հատկապես շեշտել է իշխանություն-պետականություն տարբերությունը և Անկախության հռչակագրի իրավասահմանադրականությունը վերացնելու վտանգը։

Այնուհետև այս բոլոր հրատապ խնդիրների և դրանց հետ կապված հարցերի մասին ՀՅԴ Հայաստանի Գերագույն մարմնի ներկայացուցիչը կատարել է պարզաբանումներ։

Հատուկ կերպով շեշտվել է Հայաստան-սփյուռք համահայկական օրակարգերի շուրջ համակարգված աշխատանք տանելու հրամայականը։

 

Աղբյուրը՝ aztagdaily.com