կարևոր
2566 դիտում, 5 ամիս առաջ - 2023-12-23 11:55
Քաղաքական

Դեկտեմբերի 26-ին բողոքի ակցիա կլինի Երևանի քաղաքապետարանի մոտ

Դեկտեմբերի 26-ին բողոքի ակցիա կլինի Երևանի քաղաքապետարանի մոտ

«Մայր Հայաստան» խմբակցությունը տեղեկացնում է.

Հարգելի՛ հայրենակիցներ,

Երևանի իշխանությունները՝ ՔՊԿ+«Հանրապետություն» կոալիցիան, որոշել են կտրուկ թանկացնել մի շարք տեղական տուրքեր և վճարներ: Խոսքը միայն տխրահռչակ կարմիր կետագծերով առանձնացված ավտոկայանատեղիների ավելի քան 13 անգամ թանկացման մասին չէ: Ֆինանսական բեռ են ուզում ավելացնել բիզնեսի տարբեր տեսակների վրա ևս:

Սպասվող թանկացումներն ու թալանը կանխելու համար «Մայր Հայաստանը» դեկտեմբերի 26-ին, առավոտյան ժամը 9։00-ին քաղաքացիներին հրավիրում է Երևանի քաղաքապետարանի շենքի մուտքի մոտ՝ բողոքի ակցիա իրականացնելու:

«Մայր Հայաստանը» «ո՛չ» է ասում թալանին: