Իսրայելի ՊՆ-ն հայտնել է Գազայի հարավ հազարավոր պաղեստինցիների տեղափոխման մասին

Իսրայելի ՊՆ-ն հայտնել է, որ հազարավոր պաղեստինցիներ այժմ Գազայի հատվածի հյուսիսից հարավ են տեղափոխվում բաց հումանիտար միջանցքով: Այս մասին փոխանցում է «ՌԻԱ Նովոստին»:

«Հենց հիմա հազարավոր մարդիկ անցնում են Իսրայելի պաշտպանության բանակի կողմից բացված հումանիտար միջանցքով՝ խաղաղ բնակիչներին Գազայի հյուսիսից հարավ տեղափոխելու համար»,- ասվում է հրապարակման մեջ։

Իսրայելի պաշտպանության բանակն ամեն օր կոչ է անում բնակիչներին հյուսիսից տեղափոխվել Եգիպտոսի հետ սահմանի հարավային շրջաններ՝ ռմբակոծություններից խուսափելու համար: Վերջին մի քանի օրվա ընթացքում Սալահ ադ-Դին ճանապարհի երկայնքով գործում է տարհանման միջանցք։