Բոլոր նրանք, ովքեր ասում են, որ Ադրբեջանի կազմում հայերի անվտանգության երաշխիքներ կա, թող գնան Ադրբեջան և իրենց օրինակով ապացուցեն. Վարդանյան

ՀՀ ԱԺ «Հայաստան» խմբակցության պատգամավոր, ՀՅԴ անդամ Քրիստինե Վարդանյանը գրում է.

«Ես կառուցողական առաջարկ ունեմ Արցախն ադրբեջանի կազմում ճանաչողների և բոլորի համար, ովքեր ասում են, որ հայերի համար կարող են լինել անվտանգության երաշխիքներ Ադրբեջանի կազմում:

Այդ բոլոր մարդիկ` սկսած Նիկոլ Փաշինյանից և Արարատ Միրզոյանից, իրենց և իրենց ընտանիքների անդամների օրինակով պետք է ապացուցեն իրենց թեզի կենսունակ լինելը:

Բոլոր-բոլորը, ովքեր անում են նման պնդումներ, թող 6 ամսով գնան բնակվելու Ադրբեջանում, զբոսնեն Բաքվում կամ այլ քաղաքներում, առևտուր անեն խանութներից:

Եթե վերադառնան, կարելի կլինի խոսել փորձի արդյունքների մասին»։