25 04 2024
|
||
---|---|---|
EUR | ⚊ | 416.73 |
GBP | ⚊ | 485.98 |
GEL | ⚊ | 144.6 |
RUB | ⚊ | 4.22 |
USD | ⚊ | 388.6 |
Հունիսի 3-ին Սոչի քաղաքում տեղի կունենա ԵՊՀ Թյուրքագիտության ամբիոնի դոցենտ, ԵՊՀ Հայագիտական հետազոտությունների ինստիտուտի հայ-օսմանական առնչությունների բաժնի վարիչ, բանսիրական գիտ. թեկնածու Լուսինե Սահակյանի՝ 2019 թ. հրատարակած «Համշենը հայկական ձեռագրերում» գրքի ռուսերեն թարգմանության շնորհանդեսը:
Գրքում հեղինակը քննության է ենթարկում XIII-XVII դարերում Համշենի գավառում և հոգևոր այլ կենտրոններում համշենցի գրիչների ընդօրինակած ձեռագրերի հիշատակարանները: Այս աղբյուրներում տեղ գտած բացառիկ փաստերն ու վկայությունները հնարավորություն են ընձեռում որոշակի պատկերացում կազմելու XIII-XVII դարերում գավառի քաղաքական, հոգևոր-մշակութային կյանքի, բնակչության զբաղմունքի, լեզվական վիճակի, ժողովրդական հավատալիքների մասին:
Ռուսերեն գրքում առաջին անգամ հրատարակվել է նաև Համշենի XV-XVII դարերի բնակավայրերի քարտեզը:
Սույն հետազոտությունը իրականցվել է ԵՊՀ Հայագիտական հետազոտությունների ինստիտուտի և ՀՀ Գիտության կոմիտեի թեմաների շրջանակներում: