Յայտարարութիւն Հ.Յ.Դ. Իրանի հարաւային Շրջանի Կենտրոնական կոմիտէի

Թուրք-ադրբեջանական տանդեմը խախտելով նոյեմբերեան եռակողմ յայտարարութեան բոլոր պայմանաւորւածութիւնները հետեւողականօրէն իրականացնում է Արցախի հայաթափման իր ծրագիրը եւ խաթարում է հայ ժողովրդի գոյատեւման եւ սեփական հայրենիքում ապրելու բոլոր հնարաւորութիւնները:

Դա իրագործւում է այն պայմաններում երբ Հայաստանի գործող իշխանութիւնը առաջնորդւելով իր աթոռապաշտական շահերով, ակնյայտօրէն որդեգրել է ապազգային կեցւածք: Արդէն բացայայտ կերպով Արցախը, մեր հայրենիքի անբաժանելի մասնիկը, ճանաչեցին Ադրբեջանի կազմում:

Հայաստանի Հանրապետութեան դէ-ֆակտօ իշխանութիւնը, ժողովրդի թիկունքում, հրաժարւել է Արցախի յատկապէս ինքնորոշման իրաւունքի եւ անվտանգութեան պաշտպանութեան պատասխանատւութիւնից եւ համաձայնել են հայկական տարածքները յանձնել թշնամուն։

Սիրելի ժողովուրդ, հայկական բնակավայրերի, ի մասնաւորի Արցախի յանձնման հարցի ամբողջ պատասխանատւութիւնը եւ մեղաւորութիւնը ընկած է Հայաստանի Հանրապետութեան իշխանութեան վրայ եւ այն չի կարող խուսափել պատասխանատւութիւնից:

Հ.Յ.Դ. Իրանի հարաւային Շրջանի Կենտրոնական Կոմիտէն խստօրէն դատապարտելով հայրենադաւ իշխանութեան կործանարար այս որոշումը, համոզւած է, որ այլընտրանք չկայ բացի Նիկոլ Փաշինեանի ռեժիմի հեռացումը:

Կոչ ենք անում Հայաստանի, Արցախի եւ սփիւռքի համայն հայութեան, միասնական պայքար մղելով հեռացնել այս ազգադաւ իշխանութիւնը եւ փրկել հայրենիքը:

Արցախը հայկական է եւ վերջ։

Հ.Յ.Դ. Իրանի հարաւային Շրջանի Կենտրոնական կոմիտէ