կարևոր
5413 դիտում, 1 տարի առաջ - 2022-12-14 12:08
Սփյուռք

Յայտարարութիւն ՀՅԴ Հիւսիսային Իրանի Կենտրոնական կոմիտէի

Յայտարարութիւն ՀՅԴ Հիւսիսային Իրանի Կենտրոնական կոմիտէի

Դեկտեմբերի 12-ին ադրբեջանական կողմն Արցախի Հանրապետութեան դէմ ձեռնարկել է հերթական սանձարձակ եւ սադրիչ գործողութիւնները:

Կեղծ, արհեստածին պատրւակներով պարբերաբար փակ պահելով Արցախի Հանրապետութիւնն աշխարհի հետ կապող միակ ճանապարհը` Լաչինի միջանցքը, ինչպէս նաեւ խափանելով դէպի Արցախ գազամատակարարումը, Ադրբեջանը միտումնաւոր կերպով փորձում է արցախահայութեանը հումանիտար աղէտի մատնել՝ ակնյայտօրէն դրսեւորելով ահաբեկչական պետութեանը բնորոշ վարքագիծ:

Ադրբեջանի իշխանութիւնների գործողութիւնները ոչ այլ ինչ են, քան 2020 թւականի նոյեմբերի 9-ի եռակողմ յայտարարութեամբ ձեռք բերւած պայմանաւորւածութիւնների, ստանձնած միջազգային պարտաւորութիւնների եւ հումանիտար նորմերի կոպտագոյն խապտում: Դրանք Արցախի եւ արցախահայութեան նկատմաբ Բաքւի բռնապետութեան որդեգրած ցեղասպան քաղաքականութեան բաղկացուցիչ մասերն են, որոնք միտւած են Արցախը հայաթափելու, այն իր կազմի մեջ բռնի կերպով ընդգրկելու նպատակի իրագործմանը:

Դատապարտելով էթնիկ զտումների միտւած Ադրբեջանի իշխանութիւնների սանձազերծած գործողութիւնները, կոչ ենք միջազգային հանրութեանը եւ միջազգային կառոյցներին լուռ չմնալ եւ դատապարտել Բաքւի հակամարդկային վարքագիծը, որը հակասում է միջազգաին իրաւունքի բոլոր նորմերին եւ քրէօրէն պատժելի, մարդկաութեան դէմ յանցագործութեան վառ օրինակ է:

ՀՅԴ Հիւսիսային Իրանի Կենտրոնական կոմիտէ

14 դեկտեմբերի 2022թ., Թեհրան