կարևոր
3037 դիտում, 11 ամիս առաջ - 2023-04-25 13:37
Քաղաքական

«Նեմեսիսը» հայ ժողովրդի արժանապատվության ու արդարադատության գործողություն էր. Գեղամ Մանուկյան

Երեկ ամբողջ աշխարհում մեր հայրենակիցները, տարբեր երկրների պետական պաշտոնյաներ նշում էին Հայոց ցեղասպանության զոհերի հիշատակը։ Խորհրդանշական է, որ ապրիլի 24-ի հաջորդ օրը Երևանի կենտրոնում՝ Ալեք Մանուկյան փողոցի վրա, ԵՊՀ-ի դիմաց բացվելու է Հայոց ցեղասպանության պատասխանատու թուրք դահիճներին պատասխանատվության ենթարկող ՆԵմեսիս գործողության հերոսների հուշարձանը։ Այս մասին ԱԺ ամբիոնից հայտարարեց ՀՅԴ անդամ, ՀՀ ԱԺ «Հայաստան» խմբակցության պատգամավոր Գեղամ Մանուկյանը։

«1919թ․-ին Դաշնակցության ընդանուր ժողովում որոշում կայացվեց ստեղծել հատուկ մարմին, հատուկ նպատակով՝ Հայոց ցեղասպանության Ադրբեջանում հայերի կոտորածների պատասխանատուներին պատժելու ուղղությամբ։ Գործի դրվեց հսկայական մի կառույց, որը տարբեր երկրներում պատժեց թալիաթներին, ջեմալներին, ռևանշիրներին և շատ շատերին։ Նեմեսիս գործողությունը հայ ժողովրդի արժանապատվության, արդարադատության գործողություն էր, որը այդ ժամանակ մեծ արձագանք ունեցավ և՛ հայկական շրջանակներում, և՛ օտար շրջանակներում, և շատ հաճախ դատական կարգով այդ գործողության հերոսները արդարացվեցին։ Այսօր ժամը 14։00 տեղի կունենա հուշարձանի բացումը»,- ասաց նա։