Ինչի՞ համար զոհվեցին մեր տղերքը․ «Հրապարակ»

«Հրապարակ» օրաթերթը գրում է.

Երեկ Ազատ գյուղում հրդեհի զոհ դարձած զինծառայողների ծնողներն ու ներկայացուցիչն ասուլիս տվեցին եւ դառը խոսքեր ասացին իշխանությունների հասցեին:

«Էսքան ժամանակ է անցել, բայց ո՛չ կառավարությունը, ո՛չ Ազգային ժողովը, ո՛չ նախարարությունները ոչ մի աշխատանք չեն կատարել։ Մեզ մոտ հստակ հարց է առաջանում, թե տեղի ունեցած այս ողբերգությունից հետո ինչի համար է Պնախարարը շարունակում մնալ իր պաշտոնին։ Փաշինյանը Թուրքիայի երկրաշարժի համար լաց էր լինում, բայց ինքը գոնե մի անգամ լաց չեղավ 15 տղերքի համար, որոնք մեր բոլորիս հայրենիքն էին պաշտպանում»,- հայտարարել է ծնողներից մեկը։

«Ինչի՞ համար զոհվեցին մեր տղերքը։ Թե՛ իրենք արեցին, թե՛ թուրքն արեց՝ դա արդեն միայն ու միայն իրենց խղճի վրա է։ Փաշինյանն ի՞նչ իրավունքով էր հենց առաջին օրվանից սկսած՝ վարկածներ տարածում։ Բա՝ եթե վառվել են, էդ շմոլ գազը հետո որտեղի՞ց հայտնվեց, պարզ հարցեր են առաջանում։ Ուրեմն իրենք լավ էլ գիտեին դեպքի մասին»,- հավելել է նա։

Առավել մանրամասն՝ թերթի այսօրվա համարում։