Մեր գործընկերները զոհվեցին Լեռնային Ղարաբաղի ժողովրդի համար հողն անվտանգ դարձնելիս. HALO Trust

Տեղեկացրել ենք, որ այսօր արտակարգ ու ողբերգական դեպք է տեղի ունեցել Արցախում։ Մարտակերտ քաղաքի հարևանությամբ գտնվող չեզոք գոտում «Նիվա» մակնիշի ավտոմեքենան ականի վրա պայթել է, ինչի հետեւանքով կա 3 զոհ և 2 վիրավոր։ Զոհերն ու վիրավորները HALO Trust-ի աշխատակիցներ են:

Կազմակերպությունը ողբերգական դեպքի մասին պաշտոնական հայտարարություն է տարածել, որում մասնավորապես ասվում է.

«Խոր կսկիծով տեղեկացնում ենք, որ մարտի 29-ի առավոտյան Լեռնային Ղարաբաղի Ղազանչիի շրջանում հակատանկային ականների ականազերծման պատահական պայթյունի հետևանքով զոհվել են երեք և վիրավորվել մեր երկու աշխատակիցներ: Նրանք այդ ժամանակ եղել են մեքենայում ականազերծման պարտականություններ իրականացնելիս:

Տուժածներն այս պահին բուժվում են Ստեփանակերտի հիվանդանոցում, և HALO-ն կապ է հաստատում Լեռնային Ղարաբաղում գտնվող նրանց ընտանիքների հետ: Մենք սերտորեն համագործակցում ենք տեղական ոստիկանության ու իշխանությունների հետ և կոչ անում արտաքին քննիչներին զեկուցել դեպքի ամբողջական փաստերի մասին:

Ամբողջ աշխարհում ամեն օր HALO-ի շուրջ 8000  աշխատակից գնում է աշխատանքի այն վայրերում, որտեղ ոչ ոք չի կարող անգամ քայլել, և այս ողբերգական դեպքն ի ցույց է դնում վտանգները, որոնց նրանք առնչվում են, ու մեր աշխատանքի կարևորությունը: Մեր գործընկերները զոհվեցին Լեռնային Ղարաբաղի ժողովրդի համար հողն անվտանգ դարձնելիս»: