Գերմանիայի մասնակցությամբ միջազգային կոնսորցիումը Մավրիտանիայի հետ 34 միլիարդ դոլարի համաձայնագիր է ստորագրել

Գերմանիայի մասնակցությամբ միջազգային կոնսորցիումը Մավրիտանիայի հետ 10 գիգավատ հզորությամբ էլեկտրոլիզատորներով 34 միլիարդ դոլար արժողությամբ կանաչ ջրածնի արտադրության նախագիծ իրականացնելու մասին համաձայնագիր է ստորագրել, գրում Է Frankfurter Allgemeine Zeitung թերթը։

Նախագիծը կունենա տարեկան մինչեւ 8 միլիոն տոննա ամոնիակի կամ ջրածնի վրա հիմնված այլ վերջնական արտադրանքի արտադրական հզորություն, հայտնում է թերթը՝ վկայակոչելով գերմանական Conjuncta ընկերությունը: Նախագծի առաջին փուլը, որն իրականացվելու է Մավրիտանիայի ափամերձ մայրաքաղաք Նուակշոտից հյուսիս-արեւելք, պետք է ավարտվի 2028 թվականին՝ 400 մեգավատ պլանավորված հզորությամբ, հայտնում է թերթը։ Նախագծին մասնակցում են նաեւ եգիպտական Infinity ընկերությունը եւ Արաբական Միացյալ Էմիրություններից Masdar ընկերությունը։