կարևոր
3526 դիտում, 1 տարի առաջ - 2023-02-02 11:41
Տարածաշրջան

Էրդողանը մտադիր է Իլհամ Ալիևին հանձնել թուրքական TOGG էլեկտրական մեքենայի երկրորդ սերիական օրինակը

Էրդողանը մտադիր է Իլհամ Ալիևին հանձնել թուրքական TOGG էլեկտրական մեքենայի երկրորդ սերիական օրինակը

Թուրքիայի նախագահ Ռեջեփ Թայիփ Էրդողանը հայտարարել է, որ թուրքական արտադրության TOGG էլեկտրամեքենայի երկրորդ սերիական օրինակը կհանձնվի Ադրբեջանի ղեկավար Իլհամ Ալիևին։ Թուրքիայի ղեկավարը նման հայտարարություն է արել տեղական TRT հեռուստաալիքին տված հարցազրույցում։

Հաղորդվում է, որ TOGG-ի առաջին սերիական օրինակը կհանձնվի Թուրքիայի նախագահին։

Հիշեցնենք, որ 2022 թվականի հոկտեմբերի 29-ին Ռեջեփ Թայիփ Էրդողանը մասնակցել է երկրի արևմուտքում գտնվող Բուրսա նահանգի գործարանում առաջին թուրքական էլեկտրամեքենայի արտադրման արարողությանը։

TOGG էլեկտրական մեքենան ներկայացվել է 2019թ., այն մինչև 100 կմ/ժ արագացել է 4,8 վայրկյանում։ Ըստ արտադրողների՝ էլեկտրամոբիլը 80%-ով լիցքավորելու համար կպահանջվի 30 րոպե, թափքի հեռահարությունը կկազմի 500 կմ։

Թուրքիան նախատեսում է տարեկան արտադրել մոտ 100.000 էլեկտրական մեքենա։ Մինչև 2030 թվականը նախատեսվում է մոտ մեկ միլիոն մեքենա հավաքել։