Այս իրավիճակից դժգոհների ցասումը մեկ հասցեատեր ունի

Ի՞նչ անել

Շատերն են այս հարցը տալիս և խարազանող հայացք նետում խորհրդարանական ընդդիմության կողմը։

Այս կարգի ճգնաժամը իշխանություն չունեցողը անզոր է լուծել։ Սա մի ջրամբար կառուցելու, գյուղամիջյան ճանապարհ նորոգելու կամ ձկնագողությունը վերացնելու կարգի խնդիր չէ։ 

Սա մեծ քաղաքականություն է, որին հետևելու համար ավելի շատ տեղեկատվություն է պետք, քան ԶԼՄ-ներն են տալիս։ Էլ չեմ խոսում որոշումներ ընդունելուն մասնակցելու, դրանց վրա ներգործելու մասին։ 

Մի՛ մեղադրեք իշխանություն չունեցողներին։ 

Այս իրավիճակից դժգոհների ցասումը մեկ հասցեատեր ունի՝ իշխանություն։ 

Ի դեպ, իրավիճակի հետ հաշտվածները նույնպես իրենց ձայնը պետք է ուղղեն իշխանությանը՝ որպես գոհության և  փառաբանության խոսք ընդ չաստված ու անպայման հեզիկ ձայնով ու գետնատարած դիրքում։

Արա Սահակյան