կարևոր
3499 դիտում, 1 տարի առաջ - 2023-01-12 14:48
Քաղաքական

Թուրքական արշավանքի մասին․ Էդգար Էլբակյան

Թուրքական արշավանքի մասին․ Էդգար Էլբակյան

Քաղաքագետ, «Հայկական նախագիծ» ծրագրի համահիմնադիր Էդգար Էլբակյանը գրում է.

«Հայաստանի ու Արցախի ներկայիս տարածքները թյուրքերից մաքրագործված են շնորհիվ 3 պատմաքաղաքական սուբյեկտների՝

1) Հայաստան՝ պատմականորեն ներկայացված Սյունիքի ու Արցախի մելիքությունների, Էջմիածնի, Դաշնակցության, Խորհրդային Հայաստանի և Ղարաբաղյան շարժման տեսքով,

2) Իրանական պետություն, որ տարբեր շրջաններում ի հակակշիռ սուննի տարրի ծավալման՝ արտոնություն էր տալիս Հայաստանին,

3) Ռուսաստան՝ պատմականորեն ներկայացված Ռուսական կայսրության և ԽՍՀՄ տեսքով, որ ի հակակշիռ թյուրքերի՝ տարբեր դարերում ընդհանուր թվով գրեթե ՄԵԿ ՄԻԼԻՈՆ հայ է վերաբնակեցրել ներկա ՀՀ տարածքում՝ ժողովրդագրական հնարավորություն ստեղծելով ազգային պետության առաջացման։

Ներկայումս ՀՀ դե-ֆակտո թուրքական իշխանությունները հանձնել են Արցախը, Սյունիքը հռչակել են «կոռումպացված», ու հանձնումից հինգ է պակաս, եկեղեցին ու Դաշնակցությունը հետևողականորեն թուլացնում ու թիրախավորում են, Ռուսաստանին հեռացնում են տարածաշրջանից, Իրանին լուրջ չեն ընդունում, իրանցի փորձագետներին ասում են՝ «խի՞ եք եկել Հայաստան, հակաթուրքական բաներ խոսում», և այսպես շարունակ։

Հայոց պատմությունը քաղաքական տեսանկյունից իմացողի համար բնավ տարօրինակ չէ, որ Հայաստանը նորից թուրքական հորրդաների արշավանքի վտանգի առաջ է. եթե բոլոր իրական Հայաստանյան գործոններն արանքից հանված են, տակը մնում է Թուրքիան՝ իր ողջ ցեղասպան կեցվածքով։

Ի՞նչ անել։ Վերականգնել իրական Հայաստանը՝ Հայաստան, որ չի համակերպվում իր տարածքների կորստի, իր զավակների ողջակիզման և իր հուշարձանների ոչնչացման հետ։ Հայաստան ունենալու համար պետք են քաղաքական հայեր»։