Մենք Ռուսաստանի հետ քննարկել ենք Զանգեզուրի միջանցքի բացումը, Իրանը չի արգելափակի, Հայաստանն ի վիճակի չէ դա անել. Ալիև

Զանգեզուրի միջանցքն ուղղված չէ որևէ մեկի դեմ, այն օգուտ կբերի բոլոր շահագրգիռ կողմերին. հայտարարել է Ադրբեջանի նախագահ Իլհամ Ալիևը «Միջին միջանցքի երկայնքով. աշխարհաքաղաքականություն, անվտանգություն և տնտեսություն» միջազգային համաժողովում։

«Զանգեզուրի միջանցքը քննարկել ենք ռուս պաշտոնյաների հետ իմ վերջին զրույցի ժամանակ։ Ես չեմ կարծում, որ Հայաստանն ի վիճակի է արգելափակել այս միջանցքը։ Ինչ վերաբերում է Իրանին, ապա կարծում եմ, որ նա էլ դա չի անի՝ հաշվի առնելով տարածաշրջանային հաղորդակցության նախագծերի նկատմամբ իր հետաքրքրությունը։ Այդ նախագծերն ուղղված չեն որեւէ մեկի դեմ, այլ, ընդհակառակը, միայն ի շահ է բոլոր շահագրգիռ կողմերին»,- ասել է նա։