ՀՅԴ ուղեկից միությունների խորհրդաժողովը Լիբանանում

Սույն թվականի նոյեմբերի 14-ի առավոտյան Բեյրութում մեկնարկեց ՀՅԴ ուղեկից միությունների խորհրդաժողովը։ ՀՅԴ Բյուրոյի նախաձեռնած խորհրդաժողովին, Բյուրոյի կողքին, մասնակցում էին ՀՅԴ ուղեկից միությունների՝ Հայ մարմնակրթական ընդհանուր միության, «Համազգային» հայ կրթական և մշակութային միության և Հայ օգնության միության կենտրոնական վարչությունները, ինչպես և ՀՅԴ Բյուրոյի Երիտասարդական միության գրասենյակի ներկայացուցիչը։

ՀՅԴ Բյուրոյի բացման խոսքից հետո վարչությունների ատենապետները հակիրճ ներկայացրին իրենց միությունների աշխարհատարած մասնաճյուղերի ծավալած ազգանպաստ, ընդարձակ և բազմոլորտ գործունեությունը։

Այնուհետև խորհրդաժողովն անցավ ներկայացված օրակարգի քննարկմանը։ Օրվա ընթացքում ժողովը կքննարկի երիտասարդության, միությունների միջև համագործակցության, գործելաձևի նոր մեթոդների որդեգրման, քարոզչության հետ կապված և այլ հարցեր։

Ավարտին խորհրդաժողովը կհաստատի տեղի ունեցած քննարումների հիման վրա կազմված բանաձևերը, ինչպես նաև հանդես կգա հայտարարությամբ։

ՀՅԴ ուղեկից միությունների խորհրդաժողովի լրատվական հանձնախումբ

14. 11. 2022 թ․