Պետքարտուղարությունը հայտարարել է, որ Թուրքիայի նոր հարձակումը Սիրիայում կխաթարի կայունությունը տարածաշրջանում

Թուրքիայի ցանկացած նոր հարձակում Սիրիայի հյուսիսում կխաթարի տարածաշրջանի կայունությունը և կսրի իրավիճակը: Այս մասին երեքշաբթի կայացած ճեպազրույցում հայտարարել է ԱՄՆ պետդեպարտամենտի մամուլի ծառայության ղեկավար Նեդ Փրայսը։

«Մենք խորապես անհանգստացած ենք Սիրիայի հյուսիսում ռազմական ակտիվության հնարավոր աճի շուրջ քննարկումներով, մասնավորապես՝ խաղաղ բնակչության վրա ազդեցության առումով։ Մենք շարունակում ենք աջակցել հրադադարի ներկայիս գծերի պահպանմանը, դատապարտում ենք ցանկացած սրացում, որը կարող է սպառնալ: Բոլոր կողմերի համար շատ կարևոր է պահպանել և աջակցել հրադադարի գոտիները։ Հետդարձի ցանկացած փորձ հակաարդյունավետ կլինի և կընդլայնի հակամարտությունը:  Ցանկացած նոր հարձակում կխաթարի տարածաշրջանային կայունությունը», - ասել է Պետդեպարտամենտի խոսնակը: