Բլինքենը հայտարարել է, որ ռուսական ընկերություններն օգնում են ԻՀՊԿ-ին՝ նավթ վաճառել

ԱՄՆ պետքարտուղար Էնթոնի Բլինքենն ասել է, որ ռուսական իշխանությունները և պետական ընկերությունները օգնում են Իրանի Իսլամական հեղափոխության պահապանների կորպուսին (ԻՀՊԿ)՝ մաքսանենգ ճանապարհով նավթ տեղափոխել և եկամուտներ լվանալ:

Չորեքշաբթի Միացյալ Նահանգները պատժամիջոցներ է սահմանել տասը ֆիզիկական անձանց և ինը կազմակերպությունների նկատմամբ՝ Իսլամական հեղափոխության պահապանների կորպուսի հետ կապերի համար, որն ամերիկացիները համարում են ահաբեկչական կազմակերպություն:

«Այս ցանցին աջակցում են Ռուսաստանի Դաշնության կառավարության բարձր օղակներ և պետական տնտեսական ձեռնարկություններ: Ապահովվել են հարյուրմիլիոնավոր դոլարներ նավթի վաճառքից՝ Իսլամական հեղափոխության պահապանների կորպուսին՝ «Ալ Քուդս» ուժերին և Հըզբոլլահ»-ին»,- ասել է պետքարտուղարը։

Նա զգուշացրել է, որ ԱՄՆ պատժամիջոցները սպառնում են բոլորին, ով գնում են իրանական նավթ։