Գլենդելում Արցախի դրօշը դարձեալ ծածանուեց ՀՀ հիւպատոսարանի շենքի վրայ

ՀՅԴ Բրբենքի Նիկոլ Աղբալեան կոմիտէութեան կազմակերպութեամբ Ուրբաթ Մայիս 6-ի երեկոյեան ժամը 8-ին Բըբէնքի Բէշիր Մարտիրոսեան երիտասարդական կենտրոնում տեղի ունեցաւ հանրային քննարկում Հայաստանի ներկայ իրադարձութիւնների մասին: Զեկուցաբերներն էին քաղաքագետ, ակտիվիստ՝ Ռոբերտ Մարգարեան եւ հրապարակախօս, խմբագիր՝ Վաչէ Բրուտեանը:

Լալա Երեմեանի բացման խօսքի և զեկուցաբերներին ներայացնելուց յետոյ սկզբում Վաչէ Բրուտեանը հանգամանօրէն բացատրեց թէ ինչ աշխարհաքաղաքական նախադրեալների հետևանքով ստեղծուեց Հայաստանի ներկայ իրավիճակը, իսկ Ռոբերտ Մարգարեանը հիմանականում ներկայացրեց ներկայ ընդդիմութեան նախապատմութիւնն ու ներկայ իրավիճակը: Զոյգ բանախօսները վերջում պատասխանեցին ներկաների հարցումներին:

Միջոցառման աւարտից յետոյ մասնակիցները միասնաբար իրենց զօրակցութիւնը յայտնեցին Զարթիր Լաո շարժման մասնակիցներին, որ տեղի վրայ ձայնագրուեց և առաքուեց Հայաստան: Միաժամանակ մասնակիցները Բրբէնքի Բէշիր Մարտիրոսեան երիտասարդական կենտրոնից աւտոշարասիւնով ճանապարհուեցին դեպի Գլենդել գտնուող ՀՀ Հիւպատոսարանը:

Միջոցառման մասնակիցները հիւպատոսարանի առջև կանգ առնելով վեր բարձրացրեցին Արցախի դրօշը, որ նախորդ օրը անյայտ անձանց միջոցով վար էր բերուել: Ներկաները «Առանց Նիկոլ Հայաստան» բացականչութիւններիվ դարձեալ իրենց զօրակցութիւնը յայտնեցին ընդդիմութեան շարժմանը:

 

oragark.com